Saturday, June 28, 2008

வீடு


அன்று என்னுடையது யாவும்
என்னிடமில்லை.
வாசல் தாண்டி உள்ளே கால் வைத்தபோது
உயிரின் சிலிர்ப்பொன்றை உணர‌
அறையில்,சுவ‌ரில் எங்கும் புது பொருள்க‌ளும்
புது ம‌னித‌ர்க‌ளும் அறியாப் ப‌ரிமாண‌‌ங்க‌ளில்.
பலருக்கென்னை தெரிந்திருக்க‌ வாய்ப்பில்லை.
ந‌கர்ந்து மெல்லிதாக‌ சுவ‌ரை தொட்ட‌போது
த‌ட‌விக்கொடுக்க‌ப‌டும் நாயின் கூசுத‌லாய்
ந‌ன்றி நிறைத்த‌து.
முற்ற‌த்திற்குச் செல்ல‌ என் கையால் ந‌ட‌ப‌ட்ட‌
பூம‌ர‌ம் ஒன்று உயரம் வளர்ந்திருந்தது
எனை காண அனைத்து பூக்க‌ளையும்
மேலுதிர்த்து வாசம் சேர்த்த‌து.
த‌ன் ப‌ங்கிற்கு திண்ணையும் எனை அழைக்க‌
போய் அமர்ந்து நினைவுக‌ளால்
கடந்த‌கால‌த்தை நிகழ்காலமாக்கிக் கொண்டிருந்தேன்
வீட்டார் நீட்டிய‌ தேனீரை அருந்திய‌வாறு.
இ‌த‌ழ்விரித்து விடைபெறுகையில்
ஒவ்வொரு செங்க‌ளோடு சிறு அன்பும் கலந்து
கட்டபட்ட‌ என் வீடு கதறி அழுவ‌‌து
என‌க்கு ம‌ட்டுமே கேட்ட‌து.
பின்ன‌ர்
இரு வெளிச்சங்கள் தள்ளிய வீதியில்
நான் மட்டும் நகர்ந்தபடியிருந்தேன்

Saturday, June 21, 2008

மேலும் சில முத்தங்கள்





மணல் கலைத்து அந்த பாலையில்
தனிமையோடு க‌ட‌க்கையில்
அன்பாய் ஒரு கை தோள்படர
திரும்பி கட்டிக்கொண்டு
முத்தமிட்டேன் உன் நினைவுகளை

##

வேக‌த்தில் அறைந்துவிட்டு
மன்னித்துவிடென‌ முகம்
முழுவதும் முத்தமிடுகின்றாய்
ம்ம் பரவாயில்லை
மீண்டும் ஒரு முறை அறை

##

மென்காற்று உன் இதழ்களை
மெல்ல தீண்டும் போதும்
மேக‌துளிகள் உன் உட‌லை
முத்தமிட்டு உடைக்கும் போதும்
நான் இயற்கையை ரசிப்பதில்லை

##

நம் விர‌ல் நுனிக‌ள் சிறிதாக
மோதிகொண்டு முத்தமிட்ட‌ போது
எழுந்த‌ அதிர்வலைகள்
மடு உடைத்து மகரந்தம் தெறித்து
உல‌க‌ம் ப‌ர‌வ‌ க‌ண்டாயா??

##

தனித்த மாலை ஒன்றில்
துள்ளி உதிரும் சிவந்தமஞ்சள்
நிற இலைகள் சில என் கன்னத்தை உரசி
கீழே விழும் போது எனக்கான
உன் முத்தமொன்றை விட்டு செல்கின்றன‌