Tuesday, September 23, 2008

காட்டுப் பூக்கள்


மென்மையாய் தடவி ரசிப்பதற்கும்
வ‌ன்மையாய் பற்றிப் பறிப்பதற்கும்
எவருமில்லையெனினும்
பூத்து உதிரத்தான் செய்கின்றன
காட்டுப் பூக்கள்

##

நீ இப்படி இருக்கலாமென நானும்
நான் இப்படி இருக்கவேண்டாமென நீயும்
நினைப்பதில் தவறொன்றுமில்லை
எதிர்பார்ப்பதுதான்
மனித இயல்பு என்றானப்பின்

##

வேகமாக நடப்பதாக எண்ணி
மெதுவாக நடக்கும் எருமையை எள்ளுகின்றேன்
கர்வத்தில் மிதக்கும் எனக்கு
ஒருபோதும் தெரியபோவதில்லை
அதன் வேகம் அவ்வளவுதானென‌

1 comment:

Saravana Kumar MSK said...

நல்லா இருக்கு செல்வா.. நல்லா எழுதி இருக்கீங்க..