Tuesday, November 24, 2009

...............

பள்ளி ஆண்டு விழாவில்
"அழகு மலராட அபிநயங்கள் கூட
சிலம்பொலியும் புலம்புவதை கேள்"
பாடல் இனிதே துவ‌ங்கியது

 
விழாக்கூட்ட‌த்திலிருந்த
பெரும்பாலோனோர் முன்வ‌ரிசை
சிறுமிகளின் ஆட்ட‌த்தை ர‌சித்துக்கிட‌க்கையில்
நான் ம‌ட்டும் க‌டைசி வ‌ரிசையில்
ஆடிக்கொண்டிருந்த அவளின் அசைவுகளை
இமைகொட்டாது வெறித்திருந்தேன்

பாட‌ல் முடிந்த‌தும் நெருங்கிய‌வ‌ள்
முன்னெப்போதும் பார்த்திராத‌ ஒரு புன்ன‌கையுட‌ன் 
மூச்சு வாங்கியபடிக் கேட்டாள்
எப்படி இருந்ததென‌

ந‌ன்றாக‌ இருந்த‌தென‌
ப‌திலுக்குப் புன்ன‌கைத்தேன்

பின்ன‌ர் இருவ‌ரும்
புத்தகப்பையைச் சுமந்துகொண்டு
அப்பொன்னிற‌ ஒளியில் வீடு திரும்பினோம்.