Friday, December 18, 2009

பயணக் குறிப்புகள் - வாழச்சால்


தெளிந்த ஓடையில் உதிர்ந்து விழுந்த
மஞ்சள் நிற இலைகளிரண்டு
மீன்களாகி மறைகின்றன.
புல் நிறைந்த ப‌சும் நதிக்க‌ரையினிலே
சிதறிக்கிட‌கின்ற‌ன‌ கொஞ்ச‌ம் கூழாங்க‌ற்கள்.
வ‌ளைந்த‌ சாலைகளின் ஓரம்
வில‌கி நிற்கும் உய‌ர்ந்த‌ ம‌ர‌ங்க‌ளின் மேல்
மோக‌ம் கொள்கின்ற‌ன‌ ப‌னிமேகக்கூட்ட‌‌ங்கள்.
எதையுமே பொருட்படுத்தாமல்
வண்ணப்பூக்களைக் கூடையில் நிறைத்து
சாலையைக் கடக்கிறாள் புன்னகையின் சிறுமியொருவ‌ள்.
நீண்டு பரவி கிடக்குமந்த சோழையாற்று ஏரியை
அடர்மழைத்துளிகள் சத்தமிட்டுத் துளையிட
சலசலத்து நிற்காம‌ல் ஓடிக்கொண்டேயிருக்கிற‌து
சாலக்குடி ஆறு.
வால்பாறையை நோக்கி விரையும்
வாகன சக்கரங்கள் அனைத்திலும் சிக்கித் தெறிக்கும்
குளிர்ந்த‌ நீர்த்துளிகளிலேதுமில்லை
வ‌ன்மையின் முகமெதுவும்.

மனிதர்கள் நடமாட்டம் அதிகமில்லாமல்
செழித்த அடர்வனங்களுடன்
இயற்கை இங்கு
இயற்கையாகவே இருகின்றது.

தழுவும் ஈரக்காற்றில் உடல் குளிருகையில்
ரோபெர்டா ஃப்ளாகின் வசீகர குரலில்
எங்கோ ஒலிக்கும் அப்பாடல்
உணர்வுகளை மெல்ல‌ வருடி
ஏதோ ஒருவகை இதமெனப் பரவ
ச‌ட்டென‌ ஒரு ப‌ற‌வையாகி உயரே ப‌ற‌ந்து
சிலிர்த்துச் சித‌றுகிறேன்
இப்பிர‌ப‌ஞ்ச‌மெங்கும்.

- ந‌ன்றி அக‌நாழிகை

7 comments:

இளவட்டம் said...

Nice...

Razak said...

nalla rasikan nee

மண்குதிரை said...

beautiful nalan

நேசமித்ரன் said...

very nice nalan

அ.கா என்கிற அ. கார்த்திகேயன் said...

Excellent :)

velkannan said...

//மனிதர்கள் நடமாட்டம் அதிகமில்லாமல்
செழித்த அடர்வனங்களுடன்
இயற்கை இங்கு
இயற்கையாகவே இருகின்றது//
அருமை நளன். அகநாழிகை புத்தகத்தில் படித்தேன்.

Ramki... said...

அழகு செல்வா...