Monday, August 16, 2010

இரு குறிப்புகள்

1.

சில இரவுகளில்
அழகாய் ஒளிர்கிறதெனவும்
கீற்று போல மின்னுகிறதெனவும்
விரல் நீட்டி ரசிக்கின்றீர்கள்
குழந்தைகளிடத்தில்
நண்பர்களிடத்தில்
காதலரிடத்தில்
சமயங்களில் மற்றவர்களிடத்திலும் கூட.

பற்றி எரிந்துகொண்டிருக்கின்றன
நட்சத்திரங்கள்.


2.

சாலையில் அடிபட்டு இறந்த விலங்கொன்று
பெரும் நாற்றமெடுத்து வெளிப்படுத்துகின்றது
தனக்கு நேர்ந்த அவலத்தை
அதன் மரணத்தை.
சில எளிய மனிதர்களால்தான்
இயலவேயில்லை.