Monday, March 14, 2011

........

பால் குடிப்பதும்
பச்சிலை மேய்வதும்
துள்ளித் திரிந்தபடியுமிருக்கின்றன
ஆட்டுக் குட்டிகள்.

இந்த இளமையில்
எல்லா ஆட்டுக்குட்டிகளும் மான் குட்டிகளாகின்றன
அல்லது அவ்வாறு எனக்குத் தெரிகின்றன‌

வேகமாக நகர்ந்துவிடாதபடி
கழுத்திலும் காலிலும் கட்டப்பட்டு பழக்கப்படுத்தப்பட்ட‌ப்பின்
ஆடுகள் எப்போதும்
மான்களாவதேயில்லை.

...........

அதை
நீயறிந்த‌ யார் வேண்டுமானாலும் செய்ய இயலுமெனினும்
என்னிடம் யாசிக்கிறாய்
பனியுதிரும் இந்த இரவில்.
நம்மிடையேயான புலவி நீண்டு கசந்துபோகும் முன்
அதை கலைந்தெறியும் பொருட்டு.

தன்னிடத்தை விட்டு
வெளியேறத் தெரியாத கிண‌ற்றுத்தவளையின் மனநிலையுடன்
உனக்காக இல்லையெனினும் எனக்காகவேனும் ஒத்துக்கொள்கிறேன்.

மூழ்குவதேயில்லை தாமரை இலைகள்.