Monday, August 29, 2011

நெருக்கமற்றப் பாடல்

எல்லாவற்றையும் மீறி
குறைவதேயில்லை எதிர்பார்ப்புக்கள்

சற்றுமுன் நிகழ்ந்திட்ட
கசப்பான உரையாடலொன்றின் முடிவில்
க‌ல்லிட்டப்பின் மீளும் குள‌த்தின் பாசியைப் போல‌
ந‌ம்மை சுற்றி சூழ்கிற‌தொரு மௌனம்
பெரும் மௌனம்

இறுக்கம் நிரம்பிய இவ்வேளையில்
இவ்வுல‌கின் யாரேனுமொருவர்
ஒரு ம‌ழ‌லையென‌ பாவித்து
த‌ன் மார்போடெனை அணைத்துக்கொண்டாலென்ன‌

விட்ட மழையென
த‌ய‌க்க‌ம் தளர்ந்திருந்தது மாலை
நீர் மிதக்கும் கண்களுடன்
கொஞ்சம் பேசவேண்டுமென்றேன்

நீர் தழும்பும் குவளையொன்றை வெறித்தப்பின்
அலட்சியமிக்க குரலொன்றில் நீ வெளியேறுகையில்
மிக எளிதாகவே அங்குமிங்கும் சுழ‌ன்ற‌ப‌டியிருந்த‌து
அறையின் ஒற்றை மீன்

யார் யாரோ அருகிலமர
எத்தனையோ இருக்கைகளிருந்தாலும்
ஏன் யாருமற்ற இருக்கையொன்றே என் கவனமீர்க்கின்றது

இந்த பயணமெங்கிலும்
குளிர்ந்த‌ காற்று

கடந்துபோகின்றன ப‌ட்டாம்பூச்சிக‌ள்

மண்டொலினின் இசை
அத்த‌னை இதமெனினும்
ஒரு நெருக்க‌முமற்று நேற்று பெய்த இரவின் பாடலொன்றை
வெறுமென கேட்டுக் கொண்டிருக்கிறேன்
மீண்டும் மீண்டும்.

5 comments:

Geetha said...

Awesome !!!

Geetha said...

Hats off for so many beautiful lines in this blog...

mohammed said...

எல்லாவற்றையும் மீறி
இதமான ஒரு கவித்துவம்
வாழ்த்துக்கள்.

mohammed said...

How come your lines Ever green special.

Vel Kannan said...

nice one Nalan