Thursday, August 16, 2012

...................



இல்லை
எவ்வித‌ வருத்தமுமில்லை

நேற்றையப் பயணத்தில்
தவிர்க்க இயலாது வெளிபட்ட
எனது விசும்பலை யாரோ கவனித்தார்கள்

அசௌகரியமாய் இருந்தது

கேட்காதீர்கள்
நன்றாயினும் தீங்காயினும்  அவை என்னாலானது
யாரையும் குறைக்கூற விரும்பவில்லை

கணக்குகள் தீர்த்தாகிவிட்டது
குறிப்புகள் நீக்கப்பட்டுவிட்டன
இனி ஒன்றுமில்லை
கடந்தவைகளைப் பற்றிப் பேச
எனக்கு விருப்பமுமில்லை

இன்று ஒரு பரத்தையைப் போல
மிக சுதந்திரமாக இருக்கிறேன்
விழுந்த‌ இறகொன்றைப் போல
எளிதாக சுற்றித் திரிகிறேன்

காலம்
நம் அனைவரையும்
பின்தொடர்கிறது இல்லையா?

சாம்பல் மினுங்கும் வானம்
இத்தனிமையின் சுவைக்கூட்டுகிறது

முன்னறியாத‌
இசைத்தட்டைச் சுழலவிட்டுவிட்டு
தேனீர் கோப்பையுடன் தாழ்வாரத்தில் நிற்கிறேன்

படபடத்தபடி
காற்றிலாடும் புளியங்கிளைகளை
ஆழ‌ப்பற்றுகிறன நீர்க்காக்கைகள்

மழை வரும் போலிருக்கிறது

3 comments:

திண்டுக்கல் தனபாலன் said...

நல்ல வரிகள்...

மிகவும் பிடித்த வரிகள் :

/// நன்றாயினும் தீங்காயினும் அவை என்னாலானது
யாரையும் குறைக்கூற விரும்பவில்லை ///

/// காலம்தான்
நம் அனைவரையும்
பின்தொடர்கிறது இல்லையா? ///

தொடர வாழ்த்துக்கள்... நன்றி...

mohammed said...

இனிமையான வரிகள் நளன்
தனிமையும் ஆசுவாசப்படுகிறது

மீண்டும் மனமார்ந்த வாழ்த்துக்கள்.

திண்டுக்கல் தனபாலன் said...

உங்களின் தளம் வலைச்சரத்தில் அறிமுகப்படுத்தி உள்ளது... வாழ்த்துக்கள்...

மேலும் விவரங்களுக்கு இங்கே (http://blogintamil.blogspot.in/2013/03/blog-post_27.html) சென்று பார்க்கவும்... நன்றி...