Tuesday, September 24, 2013

............

பேருந்திற்குள் மாட்டிக்கொண்ட
வண்ணத்துப்பூச்சியொன்று
அது வெளியேறும் திசையறியாது அங்குமிங்கும் அலைகிறது

மூடிக்கிடக்கும் சன்னல்களில்
மோதி மோதி திரும்புகிறது

எனக்குத் தெரியும்
அதன் திசையை
வெளியேறியாக வேண்டியதன் தேவையை

வெளியேறினால்
இம்மழையில் எங்கனம் பறக்குமென்பதென் கவலை
மற்றும்
இவ்வண்னத்துப்பூச்சிகள்
எப்போதும் அந்நியரை நம்புவதில்லை

ஒருவேளை
அது என்னை நம்பினால்
விரல் மூடிய என்கையிலேந்தி
மழை நின்றப்பின் அதனை
இக்குளிர் காற்றோடு காற்றாக பறக்க‌ விட
நான் தயார்