Tuesday, November 17, 2015

பழைய குளிர்காலப் பாடல்

மகிழ்சியற்ற இந்நாட்களில்
ஒவ்வொரு நாளும் எனதறைத் திரும்புதலென்பது
ஒருவித சலிப்பை உருவாக்குகிறது 


இரு நாட்களாக
தொடர்ந்து பெய்யும் இந்த மழையில்
வெளியே செல்வதும்கூட

இவ்வெளியெங்கும்
புகையைப் போல படர்ந்து நிறைகிறன
கார் மேகங்கள்

பழைய குளிர்காலப் பாடல்களில்
நெஞ்சம் அலமலக்குற
கதகதப்பான இந்த போர்வைக்குள்
சுருண்டுப் படுத்திருக்கிறேன்

இன்று பெய்யும்
இந்த மழை குளிர்கிறது
மீதமுள்ள
என் எல்லா நம்பிக்கைகளையும் தகர்க்கிறது

Nov 12th 2015
- நளன்

No comments: