Tuesday, February 2, 2016

....................

உன் ஒற்றைச் சொல்லில்
உடைந்து நொறுங்கிய முன்பகலொன்றில்
நகரின் உயரமான கட்டிடத்தின் உச்சிலிருந்து
என்னைத் தூக்கி எறிய நினைத்தேன்

உன் புறக்கணிப்பின்
துயர் தாங்காதப் பின்னிரவில்
நீலமடைந்த இந்த உடலை
ஒரு மின்விசிறியெனச் சுழற்றிவிடவும்
இப்பொழுது
வெகுநாட்களாக அறையிலிருக்கும்
இந்த பாலித்தீன் பையைப் பார்க்கிறேன்
எப்பொழுதோ இறந்துபோய்விட்ட என்னை
இன்னும் எத்தனை முறைதான்
மீண்டும் கொல்வேன்?
முன்பு நினைத்தைப் போல
இந்த மரணம் ஒரு கனவைப் போன்றதல்ல
இருப்பினும்
இன்னொரு முறை நிகழலாம்
என்னை மலர்களினால் அலங்கரிக்கும் வண்ணம்
அவ்வாறு ஒருவேளை நிகழுமேயானால்
அவர்களை
அழவேண்டாமெனச் சொல்லுங்கள்
அவர்களுக்குத் தெரியப்படுத்துங்கள்
இங்கிருந்து
இவ்விடத்திலிருந்து
வெளியேறுதலே எனது ஆசுவாசமென்று.

Jan 19th 2016

No comments: